ХАЛЫҚҚА ТАЗА ИШИМЛИК СУЎЫН ЖЕТКЕРИЎ – БАСЛЫ МАҚСЕТ

❗️ Халық депутатлары Шымбай районлық Кеңесиндеги ӨзХДП депутатлық топары ағзалары аймақлардағы социаллық-экономикалық мәселелерди үйрениў, халықты қыйнап келип атырған машқалаларды унамлы шешиў бағдарында избе-из жумыслар алып бармақта.

♻️ Усы бағдардағы әмелий илажлардың даўамы сыпатында бүгин Халық депутатлары Шымбай районлық Кеңесиндеги ӨзХДП депутатлық топары ағзасы Д.Ажимуратов өзи сайланған «Қостерек» аўыл пуқаралар жыйыны аймағында болып, соңғы жыллары елимизде халықты таза ишимлик суўы менен тәмийинлеў бағдарында әмелге асырылып атырған реформалардың аймақтағы орынланыўын көзден өткериў мақсетинде, «Қостерек» суў иншаатының бүгинги жағдайы менен жақыннан танысты.

✅ Илаж даўамында депутат суў иншаатының техникалық жағдайын, суў тармақларының ислеў қәбилетин ҳәм аймақ халқына таза ишимлик суўын үзликсиз жеткерип бериў имканиятларын көзден өткерди. Сондай-ақ, бар машқалаларды анықлап, алдағы ўақытта әмелге асырылыўы керек болған оңлаў ҳәм модернизациялаў жумыслары бойынша тийисли тараў қәнигелери менен пикир алмасылды.

✍️ Илаж соңында суў иншаатындағы бар машқалаларды шешиў ҳәм тийисли тараў қәнигелери менен биргеликте әмелий илажлар көриў бойынша тийисли ўазыйпалар белгилеп алынды.