Xalq deputatlari Chilonzor tumani Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari Kim Marina Melisovna hamda Xidiyatulina Rima Rashitovna Chilonzor tumani Tibbiyot birlashmasi faoliyatini o'rgandilar.

O‘rganish jarayonida deputatlar birlashmaning asosiy faoliyat yo‘nalishlari, aholiga ko‘rsatilayotgan tibbiy xizmatlar sifati, birlamchi tibbiy-sanitariya yordamini tashkil etish holati, mavjud muammolar hamda ularni bartaraf etish yuzasidan amalga oshirilayotgan chora-tadbirlar bilan tanishdilar.

Shuningdek, sog‘liqni saqlash muassasalari faoliyatining samaradorligini oshirish, aholining sifatli va o‘z vaqtida tibbiy xizmatlardan foydalanishini ta’minlash hamda tizimdagi mavjud kamchiliklarni bartaraf etish bo‘yicha mas’ul rahbarlar ma'lumot berdilar.

Deputatlar tomonidan o‘rganish natijalari asosida navbatdagi sessiyada muhokama qilinadigan masalalar yuzasidan tegishli taklif va tavsiyalar ishlab chiqilib, sog‘liqni saqlash sohasidagi muammolarni hal etishga qaratilgan amaliy choralarni belgilash yuzasidan tavsiyalar berildi.

Mazkur tashrif deputatlik nazoratini kuchaytirish, ijro organlari faoliyatining ochiqligi va samaradorligini ta’minlash hamda aholini qiynayotgan masalalarni joyida o‘rganish orqali ularning yechimiga ko‘maklashishga xizmat qiladi.