Korrupsiyaga qarshi kurashish Termiz shahar komissiyasi raisi D.Normuradova hamda komissiya a’zosi A.Ashurovlar Kadastr agentligi huzuridagi Davlat kadastrlari palatasining Termiz shahar filialiga tashrif buyurdilar.

💬 Komissiya a’zolari ushbu muhim sohada korrupsiyaga qarshi kurashish, qonun ustuvorligini ta’minlash va sohadagi shaffoflikni oshirish bo‘yicha amalga oshirilayotgan ishlar yuzasidan izchil nazorat-tahlil tadbirlarini olib bordilar.

💬 O‘rganishlar davomida filial xodimlarining kunlik ish faoliyati va fuqarolar bilan ishlash tizimi atroflicha ko‘rib chiqildi, binoda korrupsiyaning oldini olish, fuqarolarning huquqiy savodxonligini oshirish hamda xodimlarni halollikka chorlovchi ko‘rgazmali targ‘ibot materiallarining (stendlar, eslatmalar, bannerlar) nihoyatda kamligi keskin tanqid ostiga olindi.

💬 Komissiya tomonidan quyidagi ko‘rsatmalar berildi:

🟢Har bir xodim stolida eslatma bo‘lishi shart: Korrupsiyaga qarshi kurashish, halollik standartlari va qonun buzilishining oqibatlari to‘g‘risidagi maxsus targ‘ibot-tashviqot materiallari har bir xodimning ish stoli ustida, ko‘rinarli joyda turishi belgilandi;

🟢Kirish qismida ogohlantirishlar joylashtiriladi: Binoga keluvchi fuqarolar uchun qulay bo‘lgan kirish qismida ishonch telefonlari, murojaat qilish tartibi va korrupsiyaga qarshi kurashish bannerlari zudlik bilan o‘rnatilishi talab etildi.

💬"Korrupsiyaning oldini olishda ko‘rgazmali targ‘ibot eng ta’sirchan qurollardan biridir. Bu har bir xodimga o‘z mas’uliyatini, har bir fuqaroga esa o‘z huquqini eslatib turishi lozim," — deya ta'kidladi D.Normuradova.

🫥Sohada ochiqlik va qonun ustuvorligini ta’minlash borasidagi tizimli nazorat tadbirlari qat'iy davom ettiriladi.