Chilonzor tumani “1-Qatortol” MFY hududida mavjud muammolarni tizimli o‘rganish natijasida tegishli tashkilot va idoralarga okrug deputati Xidiyatulina Rima Rashidovna deputatlik so'rovi yuborildi.

O‘rganishlar davomida Qatortol 1-tor ko‘chasida joylashgan 7-sonli tug‘ruq kompleksi atrofida transport vositalarining tartibsiz to‘xtashi oqibatida tezkor xizmatlar, xususan, yong‘in xavfsizligi texnikalarining erkin harakatlanishi cheklanayotgani aniqlandi. 

Ushbu holat inson hayoti va salomatligiga xavf tug‘dirishi mumkinligi sababli hududda qat’iy tartib o‘rnatish yuzasidan zarur choralarni ko‘rish masalasi ko‘tarildi.

Shu bilan birga, mazkur ko‘chada transport oqimi yuqori bo‘lgani hamda ijtimoiy ahamiyatga ega obyektlar joylashganini inobatga olib, yo‘l harakati xavfsizligini kuchaytirish maqsadida sun’iy notekisliklar o‘rnatish;

Qatortol 2-tor ko‘chasidagi bolalar maydonchasi yaqinida avtomobillarning tartibsiz to‘xtab turishi bolalar xavfsizligiga jiddiy tahdid solayotgani qayd etilib, ushbu hududda taqiqlovchi yo‘l belgilarini o‘rnatish orqali muammoni bartaraf etish zarurligi bildirildi.

Mazkur murojaat yuzasidan tegishli tartibda amaliy choralar ko‘rilishi hamda natijalari bo‘yicha yozma ma’lumot taqdim etilishi so‘raldi.