Ayollar salomatligi va oila qadriyatlari – e’tibor markazida 

📌Xalq deputatlari Oqoltin tumani Kengashi deputati G.Ismailova, Oqoltin tumani hokimining oila va xotin-qizlar masalalari bo‘yicha o‘rinbosari Sh.Qarshiboyeva va tuman Tibbiyot birlashmasi shifokori X.Abdumajidovalar ishtirokida Ahillik mahallasi hududida joylashgan oilaviy shifokorlik punktida muhim uchrashuv tashkil etildi. 

Uchrashuv davomida ayollar salomatligini mustahkamlash, sog‘lom turmush tarzini keng targ‘ib etish, kasalliklarning oldini olish hamda tibbiy madaniyatni oshirish masalalari atroflicha muhokama qilindi. Shuningdek, oila muqaddasligi, undagi o‘zaro hurmat va mehr-oqibat muhitini mustahkamlash, farzandlar tarbiyasida ota-onaning mas’uliyati kabi dolzarb mavzular yuzasidan fikr almashildi. 

Xalq deputatlari Oqoltin tumani Kengashi kotibiyati.