Ma’lumki, O‘zbekiston Respublikasi Prezidentining PF-17-son “Aholini ijtimoiy himoya qilish tizimini moliyalashtirish tartib-taomillarini takomillashtirish to‘g‘risida”gi farmoni hamda 49-sonli Qaroriga asosan Urganch shahar hokimligi huzuridagi “Infratuzilma va ijtimoiy barqarorlik” jamg‘armasidan 9 ta xonadonlarni ta’mirlash uchun mablag‘ ajratilgan.

Shu munosabat bilan, mazkur ro‘yhatdan o‘rin olgan ya’ni “Do‘stlik” mahallasida yashovchi fuqaro M.Nurullayevning yashash xonadoniga borilib, xonadonda bugungi kunda yuqoridagi farmon ijrosi yuzasidan amalga oshirilayotgan ishlar xolatini o‘rganish maqsadida shahar Kengashi raisi, deputat P.Ro‘ziboyev ushbu xonadonga tashri buyurdi.  

Deputat mazkur jarayonda fuqaro va xonadonni ta’mirlayotgan mutaxassislar hamda mahalla raisi bilan uchrashib, ta’mirlash ishlarini qisqa muddat hamda sifatli amalga oshirishga kelishib olindi.