Xalq deputatlari Chilonzor tuman Kengashi deputati Xidiyatulina Rima Rashidovnaning saylovchilar bilan uchrashuvlari va hududlarda o‘rganish ishlari davom etmoqda.

Chilonzor tumanidagi 526- va 462-sonli davlat maktabgacha ta’lim tashkilotlari faoliyati o‘rganilib, mavjud shart-sharoitlar, ta’lim sifati hamda muammolar yuzasidan tegishli tavsiyalar berildi va nazoratga olindi.

Deputat Yakkatut mahallasiga tashrif buyurib, mahalla faollari hamda ichki ishlar xodimlari bilan uchrashdi. Uchrashuvda hududda jinoyatchilikni oldini olish masalalari muhokama qilindi.

Shuningdek, hududdagi tadbirkorlik subyektlari faoliyati bilan tanishib, ularni rivojlantirish bo‘yicha tavsiyalar berdi.