2025 yili davlatimiz rahbarining Andijonga tashrifi munosabati bilan xalq deputatlari Jalaquduq tuman Kengashi deputatlari tomonidan bildirilgan taklifga asosan O`zbekiston Respublikasi Prezidentining 2025-yil 27-dekabr kungi "2025-2028 yillarda O`zbekiston Respublikasining ijtimoiy va ishlab chiqarish infratuzulmasini rivojlantirish chora- tadbirlari to`g`risida"gi PK 393-sonli qarori qabul qilinib, Jalaquduq tuman markazida ichimlik suvi tarmoqlarini
yangilash hamda suv yig`ish inshoatini rekonstrutsiya qilish belgilab berildi. Ushbu qaror ijrosini tumanda amalga oshirilishini o`rganish uchun hudud deputati, tuman Kengashi raisi Sh.Hayitoxunov hamda Kotibiyat mudiri I.Jo`raevlar Guliston mahalla fuqarolar yig`inida bo`lishdi. 2025-yil dekabr oyida boshlangan suv yig`ish inshoati qurilishini Andijon Tezkor qurilish Mas`uliyati cheklangan jamiyat ishchi-xizmatchilari amalga oshirmoqda. Qurilish ishlarini quruvchilar shu yil 31-may kuniga qadar yakunlash va foydalanishga topshirishni rejalashtirgan. Ushbu suv
inshoati ishga tushirilishi munosabati bilan tumandagi Guliston, Namuna, Bozorboshi, O`roqchitepa va boshqa o`ndan ziyod mahalla fuqarolar yig`inlarida istiqomat qilayotgan fuqarolarning toza ichimlik suviga bo`lgan talabi yuz foyizga ta`minlanadi. Eski, yaroqsiz bo`lgan suv tarmoqlari tubdan yangilinadi. -Bugungi kunda mahalla yig`inlaridagi ko`chalar, aholi yashash manzillarida yangi suv tarmog`ini tortish ishlari jadallashtirilgan. Bizga berilgan imkoniyatlardan foydalanib aholining og`irini tezroq yengil qilish payidan bo`lyapmiz –deydi deputat bilan suhbatda Andijon Tezkor qurilish mas`uliyati cheklangan jamiyat ish yurituvchisi Doniyorbek O`rinboev.