🔹Xalq deputatlari Marg‘ilon shahar Kengashining Agrar suv xo‘jaligi va ekologiya masalalari bo‘yicha doimiy komissiyasida, komissiya raisi Z.Domilayev ishtirokida deputatlik so‘rovlariga berilayotgan javoblar hamda ularning amalda qay darajada hal etilayotgani yuzasidan muhokama o‘tkazildi.

🔹Muhokama davomida deputatlar tomonidan ilgari surilgan so‘rovlarga mas’ul tashkilotlar tomonidan taqdim etilayotgan javoblarning mazmuni, ularning asoslanganligi hamda muammolarni amaliy hal etishga qaratilganligi atroflicha tahlil qilindi.

🔹Alohida ta’kidlanganidek, ayrim holatlarda berilayotgan javoblar yuzaki xarakterga ega bo‘lib, ko‘tarilgan masalalarning to‘liq yechimiga xizmat qilmayotgani qayd etildi. Shu bois, deputatlik so‘rovlariga mas’uliyat bilan yondashish, har bir murojaat yuzasidan aniq natijaga erishish zarurligi ta’kidlandi.

🔹Yig‘ilish yakunida tegishli tashkilotlarga deputatlik so‘rovlariga sifatli va asoslantirilgan javoblar taqdim etish, shuningdek muammolarni bartaraf etish bo‘yicha amaliy choralarni kuchaytirish yuzasidan tavsiyalar berib borish belgilandi.