Xalq deputatlari Peshku tumani Kengashining 22-Xurram saylov okrugidan deputat Jumayev Ismoil Rahimovich tomonidan belgilangan reja-grafik asosida saylov okrugi hududida fuqarolar bilan uchrashuv hamda sayyor qabul o‘tkazildi.

Mazkur uchrashuv-sayyor qabul davomida fuqarolarning murojaatlari, taklif va muammolari tinglandi. Xususan, aholini qiynab kelayotgan ijtimoiy-iqtisodiy masalalar, kommunal xizmatlar sifatini yaxshilash, ichki yo‘llarni ta’mirlash, bandlikni ta’minlash hamda hudud infratuzilmasini rivojlantirishga oid masalalar yuzasidan fikr-mulohazalar bildirildi.

Deputat tomonidan fuqarolarning murojaatlari amaldagi qonunchilik talablari asosida ko‘rib chiqilib, ayrim masalalar bo‘yicha joyida tushuntirishlar berildi. Shuningdek, qo‘shimcha o‘rganish talab etiladigan murojaatlar belgilangan tartibda nazoratga olinib, ularni hal etish maqsadida tegishli tashkilot va idoralarga deputatlik so‘rovi yoki murojaat yuborish masalalari belgilandi.

Uchrashuv-sayyor qabul jarayonida “Madad” nodavlat notijorat tashkiloti vakillari ham ishtirok etib, fuqarolarga huquqiy masalalar yuzasidan tushuntirishlar berdi hamda murojaatlarni joyida ko‘rib chiqishda amaliy ko‘mak ko‘rsatdi.

Uchrashuv davomida fuqarolar bilan ochiq muloqot o‘rnatilib, aholining taklif va tashabbuslari ham tinglandi. Bunday uchrashuvlar joylardagi muammolarni aniqlash, aholi murojaatlarini o‘z vaqtida ko‘rib chiqish hamda ularni hal etish bo‘yicha amaliy choralar ko‘rishda muhim ahamiyat kasb etishi ta’kidlandi.

🇺🇿 Xalq deputatlari Peshku tuman Kengashi kotibiyati