Deputat va xalq muloqoti — muammolar
yechimi sari amaliy qadam 

🔹 Xalq
deputatlari Farg‘ona tuman Kengashi deputati Jamshidbek Eminov o‘z saylov
okrugi hududidagi Bo‘ston mahalla fuqarolar yig‘iniga tashrif buyurib, aholi
bilan ochiq va samimiy muloqot o‘tkazdi. Tashrifdan ko‘zlangan asosiy maqsad
— mahalladagi ijtimoiy-iqtisodiy holatni chuqur o‘rganish, fuqarolarni
qiynayotgan muammolarni tinglash va ularga aniq, amaliy yechimlar ishlab
chiqishdan iborat bo‘ldi. Deputat “Mahalla yettiligi” faoliyati, aholi
bandligini ta’minlash, ijtimoiy himoyaga muhtoj oilalarni qo‘llab-quvvatlash,
yoshlar va xotin-qizlar bilan ishlash samaradorligi bilan yaqindan tanishdi. 

🔹 Uchrashuv
davomida kommunal xizmatlar sifati, ichki yo‘llarni ta’mirlash, ish o‘rinlari
yaratish, ijtimoiy nafaqa va moddiy yordam masalalariga oid qator dolzarb
muammolar ko‘tarildi. Har bir murojaat yuzasidan mas’ul tashkilotlar
ishtirokida aniq chora-tadbirlar belgilab olinib, ularni bosqichma-bosqich hal
etish bo‘yicha vazifalar qo‘yildi. 

🔹 Deputat
ta’kidlaganidek, mahalla — islohotlar samarasi namoyon bo‘ladigan eng quyi va
eng muhim bo‘g‘in. Aholi dardini eshitish, muammolarga befarq bo‘lmaslik va
ularni o‘z vaqtida hal etish deputatlik faoliyatining ustuvor yo‘nalishi
hisoblanadi. Barcha ko‘tarilgan masalalar shaxsiy nazoratga olinib, ijrosi
ta’minlanadi. 

Telegram | Facebook | YouTube