9-fevral - buyuk mutafakkir, so‘z mulkining sultoni Alisher Navoiy tavalludining 585-yilligi munosabati bilan Jalaquduq tumani Maktabgacha ta’lim bo‘limiga qarashli 12-maktabgacha ta’lim tashkilotida mazmunli va ko‘tarinki ruhdagi adabiy-ma’rifiy tadbir tashkil etildi. Tadbirning asosiy maqsadi yosh avlod qalbida milliy qadriyatlarimizga hurmat va buyuk ajdodlarimiz merosiga sadoqat tuyg‘ularini mustahkamlash, Alisher Navoiy ijodini keng targ‘ib etishdan iborat bo‘ldi. Mazkur adabiy kechada tashkilotda faoliyat yuritayotgan xodimlar faol ishtirok etib, Alisher Navoiy qalamiga mansub g‘azal va she’rlarni yuksak badiiy did hamda milliy g‘urur bilan ijro etdilar. Ijrolar davomida buyuk bobokalonimizning insonparvarlik, mehr-oqibat, vatanparvarlik va komil inson tarbiyasiga oid g‘oyalari yana bir bor qalblarga singdirildi. Tadbir Jalaquduq tumani 12-maktabgacha ta’lim tashkiloti rahbari, Xalq deputatlari Jalaquduq tuman Kengashi deputati O.Xolmurodova boshchiligida yuqori saviyada tashkil etildi. Tadbir davomida Alisher Navoiy hayoti va ijodiga oid qiziqarli ma’lumotlar berilib, adabiyotimizning bebaho durdonalariga bo‘lgan e’tibor va ehtirom yanada oshirildi.