Xalq deputatlari tuman Kengashining 2026-yilga mo‘ljallangan ish rejasiga muvofiq Kengash raisi O.Babayev tomonidan tumanning “Achchisay” mahallasida joylashgan 29-sonli umumta’lim maktabining kuz-qish mavsumiga ko‘rilgan tayyorgarligi ko‘zdan kechirildi.

🔵O‘rganish jarayonida ta’lim muassasasidagi qozonxona va isitish tizimi soz holda ekanligi ma’lum qilindi. Isitish tizimlarining texnik holati ko‘rib chiqilib, ulardan kuz-qish mavsumi davomida samarali va xavfsiz foydalanish imkoniyati mavjudligi qayd etildi.

🔵Shuningdek, maktabning isitish tizimida foydalaniladigan asosiy yoqilg‘i turi bo‘lgan ko‘mir zaxirasi yaratilgani ma’lum qilindi. Bu esa havo harorati pasaygan davrda ta’lim jarayonini uzluksiz tashkil etish va o‘quv xonalarida me’yoriy haroratni ta’minlash uchun muhim omil hisoblanadi.

🔵Deputat tomonidan kuz-qish mavsumi davomida qozonxona va isitish tizimlarining texnik holatini muntazam nazorat qilib borish, mavjud yoqilg‘i zaxirasidan samarali foydalanish, shuningdek, favqulodda holatlarning oldini olish maqsadida xavfsizlik talablariga qat’iy rioya etish zarurligi ta’kidlandi.