Xalıq deputatları Bozataw rayonlıq Keńesiniń 12-sanlı "Aspantay" saylaw okruginen saylanǵan deputatı G.Jumanazarova, Bozataw rayonlıq Keńesi sekretariatınıń baslıǵı A.Ibragimov hám deputat Sh.Berdaxovlar tárepinen "Aspantay" APJ aymaǵında Baslamalı byudjet joybarı tiykarında ámelge asırılıp atırǵan balalar maydanshası (Workout) qurılısındaǵı jumıslardıń barısı úyrenildi.

Úyreniw dawamında balalar maydanshalarınıń qurılıs sapası, ornatılıp atırǵan qurılmalar hám aymaqtaǵı abadanlastırıw jumıslarınıń belgilengen talaplarǵa muwapıqlıǵına itibar qaratıldı.
Deputat tárepinen jumıslardı sapalı hám belgilengen múddetlerde juwmaqlaw, balalar ushın qolaylı hám qáwipsiz sharayat jaratıw boyınsha tiyisli usınıslar bildirildi.