Xalq deputatlari Yangiobod tuman Kengashi deputati A. Isroilov Sarmich mahallasidagi 3-sonli maktabgacha ta’lim tashkiloti faoliyati bilan yaqindan tanishdi.

Tashrif davomida tarbiyalanuvchilar uchun yaratilgan shart-sharoitlar, guruh xonalarining holati va jihozlanganligi, ta’lim-tarbiya mashg‘ulotlarining tashkil etilishi, bolalarning kun tartibi hamda ularning bo‘sh vaqtini mazmunli tashkil etish masalalari ko‘zdan kechirildi.

Shuningdek, tashkilotning moddiy-texnik bazasi, sanitariya-gigiyena holati, bolalar xavfsizligini ta’minlash, oziq-ovqat ta’minoti va tarbiyalanuvchilarga ko‘rsatilayotgan xizmatlar sifati yuzasidan ham tegishli masalalarga e’tibor qaratildi.

Tashkilot rahbariyati va pedagog xodimlar bilan suhbat davomida ta’lim-tarbiya sifatini oshirish, bolalarning maktab ta’limiga puxta tayyorgarligini ta’minlash hamda tarbiyalanuvchilar uchun qulay va xavfsiz muhit yaratish masalalari muhokama qilindi.

O‘rganish davomida aniqlangan masalalar yuzasidan ularni bartaraf etish bo‘yicha aniq vazifalar belgilandi.