Xalıq deputatları Bozataw rayonlıq Keńesiniń 8-sanlı “Erkindárya” saylaw okruginen saylanǵan deputat J.Jumanazarov tárepinen 5-sanlı mektepke shekemgi bilimlendiriw shólkeminde bolıp, balalar baqshasınıń gúz-qıs máwsimine tayarlıq dárejesi úyrenildi.
Úyreniw barısında mektepke shekemgi bilimlendiriw shólkeminde balalar ushın jaratılǵan sharayatlar, bólmelerdiń sanitariya-gigiyenalıq jaǵdayı, ısıtıw sistemasınıń tayarlıǵı, elektr hám basqa injenerlik-kommunikaciya tarmaqlarınıń isleytuǵın jaǵdayı kózden ótkerildi.
Sonday-aq, gúz-qıs máwsiminde balalardıń qáwipsizligi, densawlıǵı hám qolaylı sharayatta tárbiyalanıwın támiyinlew, máwsimge baylanıslı múmkin bolǵan mashqalalardıń aldın alıw boyınsha alıp barılıp atırǵan jumıslardıń házirgi jaǵdayına itibar qaratıldı.
Úyreniw nátiyjeleri boyınsha anıqlanǵan máselelerdi sapalı sheshiw, kemshiliklerdiń aldın alıw hám balalar ushın qolaylı hám qáwipsiz ortalıqtı támiyinlew boyınsha tiyisli usınıslar berildi.
Bas maqset – balalardıń suwiq máwsimde qáwipsiz, jılı hám qolaylı sharayatta bolıwın támiyinlew, mektepke shekemgi bilimlendiriw shólkeminiń máwsimge tayarlıǵın sapalı túrde támiyinlew.