Xalq deputatlari Sharof Rashidov tuman Kengashi raisi Sh.Akbarova tomonidan o‘z saylov okrugi hududidagi bunyodkorlik va obodonlashtirish ishlari, xususan, Qo‘shko‘prik mfyida yangi tashkil etilayotgan davlat maktabgacha ta’lim tashkilotida olib borilayotgan ishlar o‘rganildi.
O‘rganish davomida maktabgacha talim tashkiloti binosida amalga oshirilayotgan qurilish-ta’mirlash ishlari va muassasani foydalanishga tayyorlash jarayoni ko‘zdan kechirildi, qurilish-ta’mirlash ishlarini belgilangan meyor va talablar asosida, sifatli va puxta amalga oshirish, foydalanilayotgan qurilish materiallarining sifatiga alohida e’tibor qaratish, hududni obodonlashtirish va zarur infratuzilmani tartibga keltirish bo‘yicha mas’ullarga tegishli tavsiya va topshiriqlar berildi.
Saylov okrugida aholi uchun zarur bo‘lgan ijtimoiy infratuzilma obyektlarini rivojlantirish, bunyodkorlik ishlarining sifatli amalga oshirilishini taminlash va mavjud masalalarni joyida o‘rganish ishlari davom ettirilmoqda.