Xalq deputatlari Shirin shahar Kengashi deputatlari M.Salimova va O.Egamberdiyeva hamda ishchi guruh tomonidan shahar 3-son bolalar musiqa va san’at maktabida qonun hujjatlari ijrosi, ta’lim jarayonining tashkil etilishi hamda o‘quvchilar uchun yaratilgan shart-sharoitlar yuzasidan o‘rganish olib borildi.

O‘rganish davomida maktabdagi ta’lim-tarbiya jarayoni, o‘quvchilarning musiqa va san’at yo‘nalishlari bo‘yicha bilim va ko‘nikmalarini rivojlantirish uchun yaratilgan imkoniyatlar, mavjud moddiy-texnik baza hamda mashg‘ulotlarning tashkil etilish holatiga e’tibor qaratildi.

Shuningdek, qonun hujjatlarida belgilangan talablarning amaliyotga tatbiq etilishi, aniqlangan muammo va kamchiliklarni bartaraf etish hamda ta’lim sifatini yanada oshirish yuzasidan mas’ullar bilan fikr almashildi.

O‘rganish yakunida mavjud masalalarni hal etish, o‘quvchilar uchun yanada qulay shart-sharoitlar yaratish hamda qonun ijrosini ta’minlash bo‘yicha tegishli tavsiya va takliflar bildirildi.