O‘zbekiston Respublikasi Mustaqilligining 35 yillik shodiyonasi arafasida Olmaliq shahrida el osoyishtaligi, shahar obodligi va aholi farovonligi yo‘lida fidoyilik ko‘rsatib kelayotgan bir guruh faollar munosib taqdirlandi.

Xalq deputatlari Olmaliq shahar kengashi raisi Doniyor Karimov hamda shahar hokimligi tomonidan shahar va jamiyat rivojiga munosib hissa qo‘shayotgan, saylovchilar muammolarini hal etishda faollik ko‘rsatayotgan bir guruh deputatlarga yuksak ehtirom ko‘rsatilib, ular esdalik sovg‘alari bilan rag‘batlantirildi.

Tadbirda ta’kidlanganidek, har bir deputatning o‘z okrugidagi tashabbuskorligi va fuqarolar murojaatlari bilan samarali ishlashi – Olmaliq shahrining har tomonlama yuksallishiga zamin yaratmoqda.

O‘z navbatida, taqdirlangan deputatlar ko‘rsatilgan bunday yuksak e’tibor va e’tirof uchun o‘z minnatdorchiliklarini bildirib, kelgusida ham el-yurt ravnaqi va xalqimiz obodligi yo‘lida yanada g‘ayrat bilan mehnat qilishlarini ta’kidlab o‘tdilar.

✨ Vatanimiz mustaqilligining 35 yilligi muborak bo‘lsin!