Xalq deputatlari Paxtakor tumani Kengashi deputati Z.Shodmonov tomonidan Bog‘ishamol mahallasida joylashgan 36-sonli oilaviy nodavlat maktabgacha ta’lim tashkiloti hududidagi transformator holati joyiga chiqib o‘rganildi.

O‘rganish davomida transformatorning himoya to‘sig‘i (panjarasi) mavjud emasligi hamda elektr xavfsizligi talablari to‘liq ta’minlanmagani aniqlandi. Mazkur holat bog‘cha tarbiyalanuvchilari va hududdagi fuqarolar xavfsizligiga jiddiy xavf tug‘dirishi mumkin.

Aniqlangan kamchilikni bartaraf etish maqsadida mas’ul tashkilotlarga deputatlik so‘rovi yuborilib, transformator atrofiga himoya to‘sig‘ini o‘rnatish hamda elektr xavfsizligini ta’minlash bo‘yicha tegishli choralar ko‘rish so‘raladi.

Mazkur masala deputat tomonidan nazoratga olinadi.