Xalq deputatlari Toshloq tumani Kengashi kotibiyati mudiri M.Qoraboyeva tomonidan O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarori ijrosi yuzasidan O‘zbekiston mahalla fuqarolar yig‘inida o‘rganish ishlari olib borildi.

Hududdagi ichki ko‘cha yo‘llarining bugungi holati bilan tanishildi. Xususan, mahalladagi yo‘l infratuzilmasini yaxshilash, aholiga qulaylik yaratish hamda transport harakatini yanada tartibga solish borasida amalga oshirilayotgan ishlar atroflicha ko‘zdan kechirildi.

O‘rganish davomida To‘pqo‘rg‘on ko‘chasining 500 metr qismi to‘liq asfaltlangan bo‘lib, qolgan 450 metr qismi asfaltlash ishlari uchun tayyor holatga keltirilganligi aniqlandi. Hozirgi kunda ushbu hududda zarur texnik va tashkiliy ishlar yakunlanib, yaqin kunlarda asfaltlash ishlari bosqichma-bosqich davom ettirilishi rejalashtirilgan.