Xalq deputatlari Ishtixon tumani Kengashi deputati S.Abdug‘aniyev tomonidan Mitan shaharchasidagi 2-son ixtisoslashtirilgan davlat umumta’lim maktabi yonida svetofor o‘rnatish masalasi yuzasidan yuborilgan deputat so‘roviga rasmiy javob berildi.

Murojaatda mazkur hududda joylashgan piyodalar o‘tish joyidagi ko‘chma svetofor nosoz holga kelib olib qo‘yilgani va qayta o‘rnatilmagani sababli, ayniqsa o‘quvchilar xavfsizligi bilan bog‘liq muammolar yuzaga kelayotgani qayd etilgan edi.

Yo‘l harakati xavfsizligi bo‘limi tomonidan berilgan javobda ma’lum qilinishicha, yaroqsiz holga kelgan ko‘chma svetoforni ta’mirlash va qayta o‘rnatish bo‘yicha tuman Yo‘llardan foydalanish korxonasi DMga taqdimnoma kiritilgan.

Qayd etilishicha, ushbu choralar amalga oshirilgach, hududda piyodalar, ayniqsa bolalar xavfsizligi yanada ta’minlanadi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)