Xalq deputatlari Kattaqo‘rg‘on shahar Kengashi 7-Siplon saylov okrugi deputati Kuldashev Javlonbek Murodovich tomonidan 16-umumta’lim maktabida o‘rganish ishlari olib borildi.

 O‘rganish jarayonida soha mutaxassislari, mas’ul tashkilot vakillari hamda maktab ma’muriyati ishtirok etib, ta’lim muassasasining mavjud holati, infratuzilmasi va o‘quv jarayonini tashkil etish darajasi atroflicha tahlil qilindi.

  O‘rganish davomida maktabning moddiy-texnik bazasini yanada mustahkamlash, zamonaviy o‘quv jihozlari bilan ta’minlash, sinfxonalarni ta’mirlash hamda o‘quvchilar uchun qulay va zamonaviy ta’lim muhitini yaratish zarurligi aniqlandi. Shu bilan birga, mazkur yo‘nalishlarda qo‘shimcha mablag‘ ajratish bo‘yicha maktab tomonidan kiritilgan murojaat joyiga chiqib batafsil o‘rganildi.

  Murojaatni o‘rganish jarayonida mavjud muammolar, ehtiyojlar va ustuvor vazifalar belgilab olinib, ularni bosqichma-bosqich hal etish, zarur moliyaviy manbalarni aniqlash hamda mablag‘ ajratish imkoniyatlarini ko‘rib chiqish yuzasidan takliflar ishlab chiqildi.

️ Mazkur masalalar O‘zbekiston Respublikasining amaldagi qonunchiligi, ta’lim sohasini rivojlantirishga qaratilgan davlat dasturlari hamda hududiy ijtimoiy-iqtisodiy rivojlanish rejalari doirasida amalga oshirilishi ta’kidlandi.

  O‘rganish yakunida mas’ullarga maktab moddiy-texnik bazasini yaxshilash, ta’lim sifatini oshirish va o‘quvchilar uchun munosib shart-sharoitlar yaratish bo‘yicha aniq topshiriq va tavsiyalar berildi.

 Ushbu chora-tadbirlar ta’lim tizimini yanada takomillashtirish, yoshlarning bilim olish imkoniyatlarini kengaytirish hamda ularni har tomonlama barkamol shaxs etib tarbiyalashga xizmat qiladi.