Sherobod tumanida deputatlar tomonidan tibbiyot birlashmasida nazorat o‘tkazildi

Xalq deputatlari Sherobod tumani 10-Chag‘atoy saylov okrugi deputati Q. Raxamov hamda 22-Bo‘ston saylov okrugi deputati A.To‘xtashovlar Tuman Tibbiyot birlashmasida aholiga o‘z vaqtida sifatli tibbiy yordam ko‘rsatish xolati yuzasidan deputatlik nazoratini amalga oshirdilar.

 Nazorat davomida:

🔹 birlashmadagi qabul jarayonlari, shoshilinch tibbiy yordam bo‘limi faoliyati va mavjud moddiy-texnik baza ko‘zdan kechirildi;

🔹 shifokorlar va tibbiyot xodimlarining ish sharoitlari bilan tanishildi;

🔹 aholiga xizmat ko‘rsatish sifati, navbatlarning shakllanishi va murojaatlarning o‘z vaqtida ko‘rib chiqilishi bo‘yicha real vaziyat o‘rganildi.

Deputatlar aholining tibbiy xizmatlardan mamnunligini oshirish, mavjud kamchiliklarni bartaraf etish hamda birlashma faoliyatini takomillashtirish bo‘yicha tegishli mas’ullarga aniq topshiriqlar berdilar.

Tadbir yakunida deputatlar sog‘liqni saqlash tizimi samaradorligini oshirish doimiy nazoratda bo‘lishini ta’kidladilar.