Xisobotda 2025-yil 9 oyi tumanda jami 129 ta jinoyat qayd etilgan. Shundan, tezkor yoʻllar bilan aniqlangan jinoyatlar 53 tani, oldini olish mumkin boʻlgan 67 tani va axborot texnologiyalar orqali sodir qilingan jinoyatlar 9 tani tashkil qilgan. Yengil tan jarohati yetkazish 66 foizga (9/3), firibgarlik 13 foizga (15/13), bezorilik 85 foizga (7/1), oʻrtacha ogʻir tan jarohati yetkazish 57 foizga (7/3) va oilaviy zoʻravonlik 50 foizga (2/1) kamaygan.

Shuningdek, tumanda profilaktik ishlar yetarli boʻlmaganligi oqibatida tan jarohati bilan bogʻliq yoʻl transport hodisalari 7 foizga (13/14), oʻgʻrilik 25 foizga (8/10) va ogʻir tan jarohati yetkazish 100 foizga (1/2) koʻpayishiga yoʻl qoʻyilgan.

Ushbu oʻtkazilgan maxsus tezkor tadbirlar natijasida 21 ta giyohvandlik holatlari aniqlandi. Bundan tashqari, joriy yilning oʻtgan 9 oyi davomida maʼmuriy nazorat qoidasini buzish, qimorxona tashkil etish, noqonuniy qurol saqlash, qoʻshmachilik, tovlamachilik, poraxoʻrlik va boshqa turdagi jinoyatlar aniqlangan. Jinoyat sodir qilib qidiruvda boʻlgan 9 nafar shaxs ushlanib, tergov organlariga topshirilgan.

Tumandagi mahallalar hududida oldini olinishi mumkin boʻlgan jinoyatlar sodir qilinganligi oqibatida 1 ta “Anjirbogʻ” mahallasi “qizil” toifaga tushgan boʻlsa, 7 ta “Koʻlxatib”, “Rozmoz”, “Charmgaron”, “Kumushkent”, “Doʻstlik”, “Shirin” va “Latifsobungar” mahalla hududlari “Sariq” toifaga tushdi. 31 ta mahalla hududida jinoyatlar sodir qilinmaganligi natijasida “Yashil” toifaga kiritilgan.

Mazkur masala yuzasidan deputatlar tomonidan bir qator fikr-mulohazalari hamda takliflarini bildirib oʻtishdi. Mazkur masalalar tuman Kengashining navbatdagi sessiya kun tartibiga kiritilishi belgilangan.