Xalq deputatlari Boʻka tumani Kengashi deputati Yoʻldosheva Muattar Abdurashidovna 2025-yilning uchinchi choragida amalga oshirgan faoliyati yuzasidan Oltish va Yangibogʻ mahallasi 11-saylov okrugi saylovchilari oldida axborot berdi.

    Hisobot yigʻilishi ochiq muloqot tarzida oʻtkazilib, unda mahalla faollari, tuman hokimligi vakillari, ijtimoiy soha mutasaddilari, mahalla yettiligi hamda saylovchilar ishtirok etdilar. Yigʻilish davomida deputat oʻz faoliyati jarayonida amalga oshirgan ishlar, fuqarolardan tushgan murojaatlar va ularning yechimi boʻyicha erishilgan natijalar haqida batafsil maʼlumot berdi.

   Uchrashuv davomida Oltish hududida olib borilayotgan obodonlashtirish ishlari, xonadonlar, hududda joylashgan DMTT va taʼlim muassasalari kuz-qish mavsumiga tayyorgarligi qay darajada ekanligi bilan qiziqib, amaliy tashabbus koʻrsatdi.

   Uchrashuv soʻngida saylovchilar tomonidan bildirilgan takliflar inobatga olinib, istiqboldagi rejalar belgilab olindi.