Муаммо ва таклифлар ўрганилди

Халқ депутатлари Гулистон шаҳар Кенгаши депутати Рахматжон Максумов томонидан Сайқал маҳалла фуқаролар йиғини раиси Б.Ражабов билан биргаликда аҳолининг эътирозларига сабаб бўлаётган ҳолатлар ўрганилди.

Жумладан:

Сайқал маҳалласи Баҳовуддин-Нақшбандий кўчасига кириб келиш қисмига чиқиндилар йиғиш учун мўлжалланган 600-1100 литрли идишлар ўранитиш зарурлиги, маҳалла ҳудудига қарашли “Бухоро” кўчасига кириб келиш қисмига чиқинди контейнери ўрнатиш, ички кўчаларга ётқизилган ичимлик сув қувурларини улаш ишларини якунига етказиш, маҳалла ҳудудидаги кўп қаватли уйлар орасидаги канализация қопқоғи йўқлиги айрим кўчаларда канализация атрофи бетон билан ўралмаганлиги, қопқоғининг ёни очиқ турганлиги,маҳалла ҳудудидаги электр узатиш тармоғи муҳофаза зонасига тегиб турган дарахт шохлари буталаш каби масалалар ўрганиб чиқилди.

Ўрганилган ҳар бир мурожаат тегишли мутасаддилар иштирокида атрофлича кўриб чиқилиб, уларни амалдаги тартиблар асосида ҳал этиш чоралари белгиланди.