Xalıq deputatları Bozataw rayonlıq Keńesiniń 11-sanlı «Ustalar elatı» saylaw okruginen saylanǵan (ÓzLiDeP) deputatı B.Nurlımuratova hám Keńes sekretariatı baslıǵı A. Ibragimov tárepinen Kók shiel elatında jaylasqan 9-sanlı mekteptiń sport zalı úyrenildi.
Úyreniw dawamında sport zalınıń sanitariyalıq-gigienalıq jaǵdayı, oqıwshılar ushın jaratılǵan sharayatlar, sport inventarları menen támiyinleniwi hám imarattıń texnikalıq jaǵdayına ayrıqsha itibar qaratıldı. Sonıń menen birge, sport zalındaǵı bar kemshilikler hám olardı saplastırıw boyınsha ámelge asırılıwı tiyis bolǵan wazıypalar belgilep alındı.
Deputat tárepinen jas áwladtıń denetárbiya hám sport penen turaqlı shuǵıllanıwı ushın qolaylı sharayat jaratıw, mekteplerdiń materiallıq-texnikalıq bazasın jáne de bekkemlew máseleleri úzliksiz qadaǵalawda bolatuǵını atap ótildi.
Úyreniw juwmaǵında mektep xızmetkerleri menen pikir alısılıp, anıqlanǵan máselelerdi tiyisli tártipte sheshiw boyınsha usınıslar berildi. Bul baǵdarda ámeliy jumıslar alıp barılıp, sport infrastrukturasın jaqsılawǵa qaratılǵan ilajlar izbe-iz dawam ettiriledi.