Jingavuz mahallasida aholi muammolarini hal etish va hududni ijtimoiy-iqtisodiy rivojlantirish borasida amalga oshirilgan ishlar tahlil qilindi.

 Xalq deputatlari Urganch shahar Kengashi deputati N.Sharipova ishtirokida Jingavuz mahallasida mahalla "7 ligi"ning joriy yilgi choraklik hisobot yigʻilishi boʻlib oʻtdi.

Yigʻilish davomida mahalla raisi, hokim yordamchisi, xotin-qizlar faoli, yoshlar yetakchisi, profilaktika inspektori, soliq inspektori va ijtimoiy xodimdan iborat "7 lik" tizimining oʻtgan davr mobaynida amalga oshirgan ishlari, aholi bandligini taʼminlash, tadbirkorlikni rivojlantirish hamda ijtimoiy himoyaga muhtoj qatlamni qoʻllab-quvvatlash borasidagi hisobotlari tinglandi.

Deputat N.Sharipova har bir yoʻnalish boʻyicha amalga oshirilgan ishlarni tahlil qilar ekan, aniqlangan kamchiliklarni bartaraf etish yuzasidan oʻzining taklif hamda tavsiyalarini berib oʻtdi.