“O‘zbekiston – 2030” strategiyasida belgilangan ustuvor vazifalar, xususan barqaror iqtisodiy o‘sish orqali aholi farovonligini oshirish hamda inson kapitalini rivojlantirishda ta’lim tizimi asosiy drayver sifatida belgilangan.

Shu munosabat bilan hamda xalq deputatlari Muzrabot tumani Kengashining 2026-yil uchun mo‘ljallangan ish rejasining ijrosini ta’minlash maqsadida tuman Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi va tuman Kengashi huzurida tashkil etilgan yoshshlar maslahat guruhi a’zolari hamkorligida tuman Maktabgacha va maktab ta’limi bo‘limida strategiya ijrosi yuzasidan amalga oshirilayotgan ishlar tizimli ravishda o‘rganildi.

Ta’lim sifatini oshirish orqali aholi farovonligiga hissa qo‘shish yo‘nalishida ham muhim natijalar qayd etildi. Xususan, maktabgacha ta’lim qamrovini kengaytirish, yangi guruhlarni tashkil etish hamda mavjud muassasalarning quvvatini oshirish bo‘yicha amaliy choralar ko‘rilgan. Umumta’lim maktablarida esa ta’lim sifatini yaxshilash, o‘quvchilarning bilim darajasini oshirish hamda natijadorlikni kuchaytirish maqsadida tizimli ishlar amalga oshirilmoqda.

Shuningdek, o‘quvchilarning fan olimpiadalari, respublika va xalqaro tanlovlardagi ishtiroki kengayib borayotgani, bu esa ta’lim sifatining oshayotganidan dalolat berishi qayd etildi. Raqamli ta’lim texnologiyalarini joriy etish, elektron platformalardan foydalanish hamda interaktiv metodlarni keng tatbiq etish jarayonlari ham izchil davom etmoqda. Xorijiy tillar va IT yo‘nalishlarini rivojlantirish bo‘yicha maxsus to‘garaklar va qo‘shimcha dars mashg‘ulotlari yo‘lga qo‘yilgan.

Ijtimoiy farovonlikka ta’sir nuqtayi nazaridan ta’lim xizmatlari sifatining oshishi aholining qoniqish darajasiga ijobiy ta’sir ko‘rsatayotgani kuzatilmoqda. Ota-onalar bilan ochiq muloqot tizimi yo‘lga qo‘yilib, murojaatlar bilan ishlash samaradorligi oshirilgan. Kam ta’minlangan oilalar farzandlarini qo‘llab-quvvatlash, inklyuziv ta’limni rivojlantirish va ijtimoiy tenglikni ta’minlash borasida ham ijobiy natijalarga erishilmoqda.

O‘rganish davomida aniqlangan kamchiliklar yuzasidan, ularni bartaraf etish bo‘yicha deputatlar tomonidan tegishli taklif va tavsiyalar berildi.