Xalıq deputatları Bozataw rayonlıq Keńesi sekretariatı baslıǵı, 1 “Palwash ataw” okrugi “ÓzMTDP” deputatı A.Ibragimov óziniń aymaǵında, jergilikli turǵınlar menen jekke qabıllaw ótkerdi. 

Usı qabıllaw púqaralardıń múrájatların tıńlaw, olardıń kúndelikli turmısında úshırap atırǵan mashqalalardı anıqlaw hám olardı sheshiw boyınsha anıq ilajlar belgilew
maqsetinde shólkemlestirildi. 

Jekke qabıllaw dawamında turǵınlar tárepinen túrli baǵdarlardaǵı másaleler kóterildi. Atap aytqanda, infrastruktura jaǵdayın jaqsılaw, ishki jollardı remontlaw, elektr energiyası, suw menen támiyinlew, kommunal xızmetler sapasın аrttırıw, sonday-aq jumıspen bántlew, sociallıq járdemlerdi beriw siyaqlı másaleler boyınsha múrájatlar túsdi. 

Hár bir múrájat, deputat tárepinen diqqat penen qaralıp, múrájat iyesine tiyisli túsindiriwler berildi. Sheshiliwin talap etetin másaleler boyınsha tiyisli mákemelerge tapsırmalar berilituǵın bolıp, olardıń orınlanıwı boyınsha qadaǵalawǵa alınatuǵının aytı. 

Sonday-aq, qabıllaw barısında turǵınlar men ashıq qarım-qatnas alıp barılıp, olardıń usınıs-pikirleri de tıńlandı, ámelge asırılıp atırǵan jumıslardıń nátiyjeliligin arttırıwǵa, xalıqtı qanaatlandırıw dárejesin joqarılatıwǵa hámde puqaralardıń múrájatların óz waqtında qarap shıǵıwda ámeliy járdem kórsetiwde úlken áhmiyetke iye.