“Milliy tiklanish” partiyasidan saylangan Xalq deputatlari Amudaryo tuman Kengashi deputati Jumamuratova Sayyora hududda amalga oshirilayotgan bunyodkorlik ishlari ustidan deputatlik nazoratini olib bordi.

Xususan, O‘zbekiston Respublikasi Prezidentining 2025-yil 27-dekabrdagi “2026 — 2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-sonli qaroriga asosan Amudaryo tumani “Olmazor” MFY hududida yangidan qurilayotgan amfiteatr loyihasi o‘rganildi.

Nazorat davomida qurilish ishlarining borishi, sifati, belgilangan muddatlarga amal qilinishi hamda ajratilgan mablag‘larning maqsadli sarflanishiga alohida e’tibor qaratildi

Mazkur loyiha hudud aholisining madaniy hordiq chiqarishi uchun, ayniqsa yoshlarning bo‘sh vaqtini mazmunli tashkil etishda muhim ahamiyat kasb etadi.