Deputat tomonidan tumandagi Sharq guli mahallasida joylashgan “O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-454-sonli qarori ijrosi yuzasidan hududlarda amalga oshirilayotgan bunyodkorlik ishlari doirasida qurib bitkazilgan,yaqinda ish boshlashi kutilyotgan Yangi O‘zbekiston massivida barpo etilgan 990 o‘rinli umumta’lim maktabi joyiga chiqib o‘rganildi. Mazkur o‘rganish ishlari Xalq deputatlari Angor tumani Kengashi deputati Qo‘ziyeva Shoira hamda tuman Kengashi kotibiyati mudiri Raximqulov Jamshid hamkorligida olib borildi.O‘rganish jarayonida ta’lim muassasasida yaratilgan zamonaviy shart-sharoitlar, o‘quv xonalari, moddiy-texnik baza hamda o‘quvchilar uchun yaratilgan qulayliklar atroflicha ko‘zdan kechirildi. Shuningdek, 24-tavsiya asosida binoda o‘rnatilgan liftlarning texnik holati o‘rganilib, ularning xavfsiz va samarali ishlashi yuzasidan tegishli tavsiyalar berildi. Bundan tashqari, maktab uchun yangi olib kelingan jihozlar sifati va ulardan samarali foydalanish darajasi deputat tomonidan alohida nazorat qilindi.O‘rganish yakunlari bo‘yicha aniqlangan kamchiliklarni bartaraf etish hamda mavjud shart-sharoitlardan samarali foydalanishni yanada kuchaytirish yuzasidan ma'sullarga tegishli ko‘rsatmalar berildi.