Xalq deputatlari Angor tuman Kengashi 9-Ulug‘bek saylov okrugi deputati Sultonova O‘g‘iloy tomonidan hududdagi 22-sonli davlat maktabgacha ta’lim tashkilotida nazorat-tahlil tadbiri olib borildi. O‘rganishlar davomida mazkur muassasaning 90 o‘rinli bo‘lib, 4 ta guruhdan iborat ekani qayd etildi. Deputat tomonidan mashg‘ulot xonalari va yotoqxona xonalari ko‘zdan kechirilib, bolalar uchun yaratilgan shart-sharoitlar, ta’lim-tarbiya jarayonining tashkil etilishi hamda infratuzilmaning holati atroflicha tahlil qilindi. Shuningdek, muassasa xodimlari bilan suhbatlar o‘tkazilib, mavjud kamchiliklarni bartaraf etish, ta’lim sifatini oshirish hamda bolalar uchun yanada qulay va xavfsiz muhit yaratish yuzasidan tegishli tavsiyalar berildi. Nazorat-tahlil tadbiri yakunida aniqlangan holatlar asosida zarur choralar ko‘rish bo‘yicha deputat tomonidan vazifalar belgilab olindi.