Tashrif davomida deputat mahallada faoliyat yuritayotgan “mahalla yettiligi”ning faoliyatini o‘rgandi. Xususan, mahalla raisi, yoshlar yetakchisi, xotin-qizlar faoli hamda profilaktika inspektori tomonidan olib borilayotgan ishlar, aholi bilan ishlash tizimi, mavjud muammolarni aniqlash va ularni bartaraf etish borasidagi chora-tadbirlar ko‘rib chiqildi.

🔵Shuningdek, deputat tomonidan mahallada fuqarolar qabuli o‘tkazilib, aholi vakillarining murojaatlari, taklif va muammolari tinglandi. Bildirilgan masalalarni ijobiy hal etish yuzasidan tegishli tartibda choralar ko‘rish va mas’ul tashkilotlar bilan hamkorlikda ish olib borish belgilab olindi.

✅Hududlarda bunday uchrashuv va o‘rganishlar aholining muammolarini joyida hal etish, ularning murojaatlariga tezkor javob berish hamda samarali tizimli ishlarni yo‘lga qo‘yishda muhim ahamiyat kasb etadi.