Mazkur vazifalar ijrosini ta’minlash maqsadida Oltinsoy tumanida deputatlik nazorati tadbiri tashkil etildi. Unda tuman hokimi Otabek Mavlyanov, tuman prokurori Ravshan Turdiyev, tuman ichki ishlar bo‘limi boshlig‘i Dilmurod Qurbonov, shuningdek, Xalq deputatlari tuman Kengashi kotibiyati mudiri M. Xo‘janov hamda kotibiyat bosh mutaxassisi I. Roziqovlar ishtirok etdilar. 

Nazorat tadbiri doirasida tuman Axborot-kutubxona markaziga yaratilgan shart-sharoitlar atroflicha o‘rganildi. O‘rganishlar davomida mavjud muammo va kamchiliklar tahlil qilinib, ularni bartaraf etish yuzasidan tegishli chora-tadbirlar belgilandi. 

Ushbu tashabbus aholi va yoshlarning bilim olishi uchun yanada qulay sharoit yaratish, ularning axborot texnologiyalaridan samarali foydalanishini ta’minlash hamda xizmat ko‘rsatish sifatini oshirish maqsadida amalga oshirildi. Shu munosabat bilan Axborot-kutubxona markaziga zamonaviy kompyuter jamlanmalari va havo sovutgichlar topshirildi. 

Oltinsoy tumani Kengashi kotibiyatiAxborot xizmati