Prezidentimizning PQ-186-sonli qarorining Urganch shahridagi ijrosini o‘rganish maqsadida Xalq deputatlari Urganch shahar Kengashi deputatlari tomonidan yosh avlod vakillariga ko‘rsatilayotgan tibbiy xizmat sifati tahlil qilindi. 

Bu borada asosiy e’tibor – bolalar saratoni va unga qarshi kurashish, shuningdek, onkologik kasalliklarga qarshi kurashayotgan bolalarga yaratilgan sharoitlarga qaratildi. 

O‘rganish jarayonida shahar tibbiyot birlashmasida bolalar uchun mo‘ljallangan alohida bino mavjud emasligi tibbiy xizmat samaradorligiga to‘sqinlik qilayotganligi aniqlandi.

Yuqoridagi o‘rganishlar natijasida aniqlangan kamchiliklarni tizimli xal etish maqsadida Xalq deputatlari Urganch shahar Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi S.Masharipov tomonidan ushbu masalani hal etishda hamkorlik qilish yuzasidan viloyat Kengashining mas’ul doimiy komissiyasiga taklif kiritildi.  

Maqsad Viloyat Kengashining sessiyasida mazkur masalani muhokama qilish orqali Urganch shahrida zamonaviy talablarga javob beradigan alohida bolalar bo‘limini tashkil etishdan iborat.