Бүгин Шымбай районы «Кеңес» АПЖ аймағында «Депутат мәҳәлледе» жойбары шеңберинде ушырасыў болып өтти. 

Илажда Қарақалпақстан Республикасы Жоқарғы Кеңеси депутаты Ф.Палванова, Халық депутатлары Шымбай районлық Кеңеси депутаты А.Утепбергенова, мәҳәлле жетилиги ағзалары ҳәм аймақ турғынлары қатнасты.

Илаж даўамында дәслеп Ҳүрметли Президентимиздиң 2026-жыл 21-февраль күни қабыл етилген "Қарақалпақстан Республикасын 2026-жылда социаллық-экономикалық раўажландырыў ҳәм келеси жылларға мөлшерленген бағдарламаларды тастыйықлаў ҳаққында"ғы 70-санлы Қарарының мазмун-мәниси жыйналғанларға кеңнен түсиндирилди. Сондай-ақ, бүгинги елимизде алып барылып атырған кең көлемли реформалар, соның ишинде, жасларға жаратылып атырған мүмкиншиликлер, олардың өз басламаларын жүзеге шығарыўлары ушын жаратылған шараятлар ҳаққында жыйналғанларға айтип өтилди.

Илаж соңында пуқаралардың мүрәжатлары тыңланып, шешими бойынша тийисли ўазыйпалар белгилеп алынды.