Payshanba — Yoshlar kuni munosabati bilan shahar hokimi, Xalq deputatlari shahar Kengashi deputati Nurali Jo‘rayev hamda Oliy Majlis Senati huzuridagi Yoshlar parlamenti a’zosi, Xalq deputatlari shahar Kengashi deputati Marjona Saidova “Shayxon” mahallasida faoliyat yuritayotgan yosh tadbirkor bilan uchrashdilar.

Tashrif davomida tadbirkorning ishlab chiqarish jarayoni, mahsulot sifati hamda yaratilgan sharoitlar atroflicha o‘rganildi.

Shuningdek, yosh tadbirkor bilan ochiq muloqot o‘tkazilib, uning faoliyatini kengaytirish, yangi ish o‘rinlari yaratish va mavjud muammolarni bartaraf etish masalalari muhokama qilindi.

Mas’ullar tomonidan yoshlarning tashabbuslarini qo‘llab-quvvatlash, ularning biznes loyihalarini rivojlantirish uchun amaliy yordam ko‘rsatish yuzasidan tegishli tavsiyalar va ko‘rsatmalar berildi.