Xalq deputatlari Zomin tuman Kengashi deputati A.Ishnazarov Paxtakor mahallasida saylovchilar murojaati bo'yicha o'rganish olib bordi. 

Uchrashuv va muloqotlar davomida saylovchilar tomonidan yo‘l harakati xavfsizligiga oid muhim taklif ilgari surildi.

Xususan, (Dashtabod-Jizzax) serqatnov yo‘l yoqalariga zarur yo‘l belgilari (piyodalar o‘tish joyi, tezlikni cheklash, ogohlantiruvchi belgilar)ni o‘rnatish bo‘yicha murojaat bildirildi.

Aholining ta’kidlashicha, ayrim hududlarda yo‘l belgilarining yetishmasligi sababli haydovchilar tomonidan tezlik me’yorlariga to‘liq rioya etilmayapti. Bu esa ayniqsa bolalar, keksalar va piyodalar uchun noqulaylik va xavf tug‘dirmoqda.

Deputat tomonidan murojaat joyiga chiqib o‘rganildi, mavjud holat tahlil qilindi hamda ushbu masala bo‘yicha tegishli tashkilotlarga rasmiy taklif va so‘rovlar yuboriladi.