Boyovut tumani tajribasi asosida ishlab chiqilgan “Yo‘l xarita” hamda uning doirasida ijtimoiy sohani rivojlantirishga qaratilgan kichik dasturda belgilangan vazifalar ijrosi yuzasidan tizimli o‘rganishlar olib borilmoqda.

Mazkur “Yo‘l xarita”ning 8-bandida nazarda tutilgan 3–7 yoshdagi bolalarni maktabgacha ta’lim bilan qamrab olish darajasini oshirish masalasi tuman Kengashi deputati Akrom Bo‘tayev tomonidan tuman Maktab va maktabgacha ta’lim tashkilotida o‘rganildi.

📌 O‘rganishlar davomida 2025–2026-o‘quv yili holatiga ko‘ra quyidagi ma’lumotlar aniqlandi:

🔴 Tumandagi 31 ta mahallada 3–7 yoshli bolalar jami soni — 12 802 nafar

🔴 Shundan davlat va nodavlat maktabgacha ta’lim tashkilotlariga qamrab olinganlar — 8 717 nafar

🔴 Qamrab olinmagan bolalar soni — 4 085 nafar

📈 Umumiy hisobda tuman bo‘yicha 3–7 yoshli bolalarni maktabgacha ta’lim bilan qamrab olish darajasi 68,1 foizni tashkil etmoqda.

Mazkur ko‘rsatkichlarni yanada oshirish, ayniqsa qamrab olinmagan bolalarni ta’lim jarayoniga jalb etish yuzasidan mas’ullarga tegishli tavsiya va ko‘rsatmalar berildi. Ushbu yo‘nalishdagi ishlar deputat nazoratida davom ettiriladi.