#hashar

Obod hudud — ko‘ngillarga zavq bag‘ishlaydi

Xalq deputatlari tuman Kengashi deputatlari joylarda tashkil qilingan hasharlarda faol ishtirok etishdi. Ushbu hasharda manzarali va mevali daraxtlar hamda gul ko‘chatlari ekildi. Shuningdek, mavjud yashil maydonlarda ilgaridan ekilgan daraxtlarning taglari yumshatilib, parvarishlash ishlari olib borildi.

Mazkur tadbirda mahalla faollari, yoshlar hamda fuqarolar faol ishtirok etib, hududni yanada obod va fayzli qilish yo‘lida o‘z hissalarini qo‘shdilar. Bu kabi tashabbuslar aholi o‘rtasida hamjihatlik va birdamlikni mustahkamlash, hududlarni yanada obod qilishga xizmat qiladi.

Hashar — xalqimizning asrlar davomida shakllangan ezgu qadriyati bo‘lib, jamiyatimizda o‘zaro hamkorlik va mas’uliyat tuyg‘usini yanada kuchaytiradi.