Joriy yilning 26-mart kuni xalq deputatlari shahar Kengashi raisi H.Ernafasov, shahar Kengashi kotibiyat mudiri E.Davlatov va shahar Kengashi kotibiyat bosh mutaxassisi M.Xudayberdiyevalar shahar qurilish va uy-joy kommunal xo‘jaligi bo‘limi bosh mutaxassisi Sh.Komilov ishtirokida shahardagi ko‘p qavatli uylarning liftlar ishlash holatini o‘rganishdi. O‘rganish jarayonida shaharda jami 77 ta ko‘p qavatli uylarda 180 ta lift ishlab turganligi, liftlarni ta’mirlash, o‘rnatish hamda doimiy nazorat qilish “Ko‘p qavatli uylardagi liftlarga xizmat ko‘rsatish” MCHJ tomonidan amalga oshirilishi, dastlabki manzilli dasturga asosan 2026-yilda 12-kichik tumandagi 57-uyning lifti yangisiga almashtirilishi hamda 2-kichik tumandagi 27, 8, 9, 1, 2-uylarning liftlari ta’mirlanishi rejalashtirilganligi aniqlandi. Deputatlar ko‘p qavatli uylardagi liftlarni doimiy ravishda ishlashini ta’minlash, ko‘zatuv kameralari o‘rnatilmagan liftlarga ko‘zatuv kameralarini o‘rnatish bo‘yicha tegishli ko‘rsatmalar berib o‘tdi.