O‘zbekiston Respublikasi Oliy Majlisi Senati Kengashining 2025-yil 14-yanvardagi “Hududlarni rivojlantirish hamda aholi muammolarini hal etishda mahalliy kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-sonli qarorida hamda mahalliy Kengash deputati faoliyatining eng muhim yo‘nalishlari bo‘yicha 24 ta tavsiyalar asosida, hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etishda mahalliy Kengashlar deputatlari va senatorlarning «mahalla yettiligi» bilan joylardagi muammolarni aniqlash va ularga amaliy yechim topishda o‘zaro hamkorlikda ish olib borish belgilangan.
Deputat mahalla hududini rivojlantirish aholi muammolarini samarali hal etish, ijtimoiy-ma'naviy muhit barqarorligini ta’minlash va madaniy-ma'rifiy tadbirlarni amalga oshirish borasida "Mahalla yettiligi" a’zolarining 2026-yilda amalga oshirishi belgilangan “Yo‘l xaritalari” bilan tanishdi. Shu bilan birga deputat S.Valiyeva mahalla hududida joylashgan 24-sonli umumta’lim maktabida bo‘lib, maktabdagi obodonlashtirish va o‘quvchilarni turli darsdan tashqari to‘garaklar jalb etish bo‘yicha yaratilgan shart-sharoitlarni o‘rgandi.