Tuman Kengashi deputatlari O‘.Akkulov, P.Tojiboyev hamda Kengash kotibiyat mudiri M.G‘oibnazarovlar tomonidan hududda hokim yordamchisi faoliyati atroflicha o‘rganildi. O‘rganish jarayonida tadbirkorlikni rivojlantirish, yangi ish o‘rinlarini yaratish hamda aholi bandligini ta’minlash borasidagi ishlar holati va “Oilaviy tadbirkorlik to‘g‘risida”gi O‘zbekiston Respublikasining Qonuni ijrosi bo‘yicha amalga oshirilayotgan ishalar tahlil qilindi.

Xususan, hududda mavjud iqtisodiy imkoniyatlardan samarali foydalanish, aholining daromad manbalarini kengaytirish, oilaviy tadbirkorlikni qo‘llab-quvvatlash, yoshlar va xotin-qizlarni ish bilan ta’minlash yo‘nalishlarida olib borilayotgan ishlar ko‘zdan kechirildi. Aniqlangan kamchiliklarni bartaraf etish hamda ish samaradorligini yanada oshirish yuzasidan tegishli tavsiyalar berildi.

Shuningdek, tumanda uzumchilikni rivojlantirish masalasiga alohida e’tibor qaratilib, fuqarolar o‘rtasida keng qamrovli tushuntirish ishlari olib borildi. Uchrashuvlar davomida uzum yetishtirishning afzalliklari, yuqori daromad keltiruvchi navlar, yer maydonlaridan unumli foydalanish, agrotexnik tadbirlarni to‘g‘ri tashkil etish hamda davlat tomonidan yaratilayotgan imtiyoz va qo‘llab-quvvatlash mexanizmlari haqida batafsil ma’lumotlar berildi.

Bundan tashqari, tadbirkorlikni boshlash istagida bo‘lgan fuqarolarga amaliy yordam ko‘rsatish, kredit va subsidiya olish tartiblari, loyihalarni shakllantirish hamda biznesni yo‘lga qo‘yish bo‘yicha tushunchalar berildi.