Zomin tuman Kengashi deputati O.Umirov tomonidan hududdagi umumta’lim maktablarida o‘rganish ishlari olib borildi. Tashrif davomida maktablarning sport zallari holati, ularning moddiy-texnik bazasi, o‘quvchilar va yoshlar uchun yaratilgan shart-sharoitlar atroflicha o‘rganildi. Xususan, sport inshootlarining bugungi kundagi holati, mavjud jihozlar ta’minoti, ularning foydalanish samaradorligi hamda yoshlarning sport bilan muntazam shug‘ullanishlari uchun yaratilgan imkoniyatlarga alohida e’tibor qaratildi.

O‘rganish jarayonida aniqlangan ayrim kamchilik va muammolar yuzasidan mutasaddi tashkilotlar vakillariga tegishli tavsiyalar berildi hamda ularni bartaraf etish bo‘yicha aniq chora-tadbirlar belgilandi.

Shuningdek, yoshlarning bo‘sh vaqtlarini mazmunli tashkil etish, ularni sog‘lom turmush tarziga jalb etish va sportga bo‘lgan qiziqishini yanada oshirish masalalari muhokama qilindi.