Xalq deputatlari Buloqboshi tumani Kengashi 19-“Do‘lana” saylov okrugi deputati M. Toshtemirov tomonidan tumanda
“Yoshlar kuni” munosabati bilan mahalladagi yoshlar bilan uchrashuv tashkil etildi. 

Uchrashuv davomida yoshlarni bandlikka jalb qilish, ularni kasb-hunarga o‘qitish hamda mavjud bo‘sh ish o‘rinlari haqida batafsil ma’lumotlar berildi. Shuningdek, yoshlar o‘zlarini qiziqtirgan savollariga javob olishdi va muammolari yuzasidan taklif-mulohazalar bildirishdi. 

Xususan, duradgorlik bo‘yicha hamda ishlab chiqarishda ko‘nikmasi bor yoshlarni tumandagi ishlab chiqarish markazlariga biriktirildi. Deputat tomonidan yoshlarni qo‘llab-quvvatlash, ularning tadbirkorlik tashabbuslarini rivojlantirish hamda doimiy ish o‘rinlari
yaratish bo‘yicha zarur choralar ko‘rilishi ta’kidlandi.