Májilis kún tártibinde Ózbekstan Sawda-sanaat palatası Shomanay rayonlıq bólimi tárepinen ámelge asırılǵan jumıslar haqqında esabat berdi. Esabatta isbilermenlik subyektlerin biypul palata aǵzalıǵina qosıw boyınsha reje 367 isbilermenlik subyektin aǵzalıqqa alıw belgilengen bolsa, ámelde bul joba isbilermenlik subyektlerin 395 i biypul aǵzalıqqa alınǵan. 

Bunnan tısqarı, Sawda sanaat palatası Shomanay rayonı bólimi janında jámiyetshilik tiykarında 15 isbilermenlerden ibarat isbilermenlik Keńesi shólkemlestirilip, olardıń tiykarǵı wazıypalarınan kelip shıǵıp, turaqlı túrde isbilermenler menen ushırasıwlar shólkemlestiriw, isbilermenler ortasında bizneske tiyisli nızamshılıq hújjetleri mazmun-mánisi hám áhmiyetin túsindiriw jumısları ámelge asırılǵan.

Kún tártibinde keyingi málele boyınsha Agrobank Akcionerlik-kommerciyalıq banki Shomanay filialı hám de Akcionerlik-kommerciyalıq Xalıq banki Shomanay filialı tárepinen ámelge asırılıp atırǵan jumıslar haqqında esabatları tıńlandı.

Májiliste xalıqqa kórsetilip atırǵan xızmetler sapasın jaqsılaw boyınsha deputatlar tárepinen usınıs hám pikirler bildirildi.

Kún tártibindegi máseleler boyınsha tiyisli sheshimler qabıl etildi.

https://t.me/ShumanaytumaniKengashi