🔹Xalq deputatlari Marg‘ilon shahar Kengashi deputati, kotibiyat bosh mutaxassisi N.Akbarova hamda kotibiyat mudiri A.Ermatov, A.Yassaviy MFY raisi N.Axunov hamrohligida A.Yassaviy MFYda amalga oshirilayotgan ichki yo‘llarni saqlash va joriy ta’mirlash ishlari yuzasidan joyiga chiqqan holda o‘rganish olib bordilar.

🔹Mazkur o‘rganishlar Marg‘ilon shahar Kengashining 2025-yil 14-maydagi “Marg‘ilon shahridagi ichki yo‘llarni saqlash va joriy ta’mirlash ishlari to‘g‘risida”gi 9-42-11-168-K/25-sonli qarori ijrosi doirasida tashkil etildi.

O‘rganish jarayonida A.Yassaviy MFY hududidagi Sabzavot, Ziyo hamda Furkat ko‘chalarida amalga oshirilgan ta’mirlash ishlari ko‘zdan kechirildi. Ushbu hududlarda yo‘l infratuzilmasini yaxshilash, aholiga qulaylik yaratish hamda transport harakatini yanada tartibga solish borasida bajarilgan ishlar atroflicha tahlil qilindi.

🔹Shuningdek, aniqlangan kamchiliklar yuzasidan mas’ullarga deputatlik so‘rovlari yuborish rejalashtirildi.

🔹 Bunday o‘rganishlar orqali joylardagi muammolarni o‘z vaqtida aniqlash va ularni bartaraf etish, eng muhimi, aholiga munosib sharoit yaratish maqsad qilinmoqda.

🔹Marg‘ilon shahar Kengashi tomonidan bu kabi nazorat tadbirlari tizimli davom ettiriladi.