TEZ TIBBIY YORDAM VA OBODONLASHTIRISH ISHLARI HOLATI O‘RGANILDI

Joriy yilning 25-mart kuni Xalq deputatlari Navoiy shahar Kengashi raisi B. Bazarov hamda kotibiyat bosh mutaxassisi D. Toyirovlar Navoiy shahridagi Janubiy MFY hududida aholiga o‘z vaqtida va sifatli tez tibbiy yordam ko‘rsatish holatini o‘rgandilar.O‘rganish jarayonida tez tibbiy yordam xizmatining aholiga yetib borish tezligi, murojaatlarga javob berish darajasi, xizmat sifati, moddiy-texnik ta’minoti hamda mavjud muammolar atroflicha tahlil qilindi. Hududda faoliyat yuritayotgan mas’ul tashkilotlar vakillari bilan suhbatlar o‘tkazilib, aholiga yaratilgan sharoitlar va xizmat ko‘rsatish samaradorligi yuzasidan fikr almashildi.Aniqlangan kamchilik va muammolarni bartaraf etish, xizmat ko‘rsatish sifatini yanada yaxshilash hamda tizim samaradorligini oshirish yuzasidan mas’ullarga tegishli topshiriq va ko‘rsatmalar berildi. Shuningdek, aholining murojaatlarini o‘z vaqtida ko‘rib chiqish va ularning qoniqish darajasini oshirish muhim vazifa sifatida belgilandi.Shu bilan birga, sog‘lomlashtirish hududlarida olib borilayotgan obodonlashtirish ishlari holati ham ko‘zdan kechirildi. Hududlarni obod va ko‘rkam holga keltirish, yashil maydonlarni kengaytirish, sanitariya holatini yaxshilash hamda aholining dam olishi uchun qulay sharoitlar yaratish borasida amalga oshirilayotgan ishlar tahlil qilindi.O‘rganish yakunlari bo‘yicha aniqlangan kamchiliklarni bartaraf etish, belgilangan vazifalar ijrosini ta’minlash hamda aholiga ko‘rsatilayotgan xizmatlar sifatini yanada oshirish yuzasidan aniq chora-tadbirlar belgilab olindi.